07 апреля 2010 г.
Апрелĕн 1-мĕшĕ суймалли кун пулсан та, Кивĕ Сĕнтĕр çыннисене хальхинче улталамарĕç. Тахçантанпах кĕтнĕ маршрутлă автобус чăннипех ял варрине çитсе чарăнчĕ. Район центрĕнчен Кивĕ Сĕнтĕре çитме халĕ питех те меллĕ. Нумай çул çуран утса тертленнĕ хыççăн «Комсомольски — Кивĕ Сĕнтĕр — Хырай Ĕнел» маршрутпа автобус çула тухни ял çыннисемшĕн чăн-чăн уяв пекех.
Ялти культура ĕçченĕсем В.Ванюркин, Г.Ванюркина, Е.Костякова, ветерансен совечĕн председателĕ А.Петрова пухăннă çынсемпе пĕрле пĕрремĕш автобуса юрă саламĕпе, çăкăр-тăварпа кĕтсе илчĕç. Водительне вара çул çинче ăнăçу, ырлăх-сывлăх сунчĕç. «Правда» ООО ертÿçи К.Н.Кокшин та маршрута уçнăшăн тав сăмахĕ каларĕ.
Источник: "Каçал Ен"