07 апреля 2010 г.
Апрелĕн 1-мĕшĕ — шÿт кунĕ. Кивĕ Сĕнтĕрти вулавăш пунктне çак кун кĕçĕн классенче вĕренекен ачасем пуçтарăнчĕç. Е.Г.Костякова библиотекарь утренник йĕркелерĕ. Шăпăрлансем мĕнле кăна вăйă вылямарĕç пулĕ. Кĕнекепе туслă пулни ачасене литература ыйтăвĕсем çине тĕрĕс хуравлама пулăшрĕ. Уява хутшăннă ачасем мĕнле ăслă, маттур. Вĕсен ячĕсене çырса хăварар: Алина Кокшина, Настя, Ульяна, Митя Абукинсем тата чи кĕçĕнни — Артур Костяков. Чи пултарулли вара Митя Абукин пулчĕ.
Ачасем пурте асăнмалăх парнеллĕ пулчĕç. Вĕсемшĕн апрелĕн 1-мĕшĕ чăнах та телейлĕ кун.
Источник: "Каçал Ен"