03 апреля 2010 г.
алă ĕçĕсен конкурсне йĕркелеме шутларăмăр. Вĕсене тĕрлĕ материалсенчен те хатĕрлеме юрать. Ал ăсталăхĕ пирки пире класс руководителĕ Наталия Николаевна Салмина ăнлантарса пачĕ.
Мартăн 26-мĕшĕнче класри вунпĕр вĕренекен хăйсем ăсталанă япаласене жюри умне тăратрĕ. Вĕсем тунă япаласем пĕринчен пĕри паха. Акă, Настя Галкина чустаран Мăнкун куличне хатĕрленĕ, ăна акварельпе сăрланă. Кристина Муравьева çăмартасем хумалли хутаç çыхнă. Алсу Зинетуллина хăй ăсталанă япалана бисерпа илемлетнĕ. Гелия Тазетдинова, Зулия Сулейманова, Юлия Калашникова, Зульфия Галимзянова, Настя Давыдова çăмартасене хитрелетме краскăпа усă курнă. Лена Индюкова харăсах виçĕ ал ĕçĕ тăратнă: ÿкерчĕк, кулич тата хăйне евĕр илемлетнĕ çăмарта. Саша Чернов тĕрлĕ тĕслĕ хутсемпе аппликаци туса пластмас çăмартана сăн кĕртнĕ. Жюрине Илия Шакурова ĕçĕ уйрăмах килĕшрĕ. Вăл пĕрремĕш вырăн йышăнчĕ. Конкурса хутшăннă ытти ачасем те пылак çимĕçсене тата Хисеп грамотисене тивĕçрĕç.
Источник: "Каçал Ен"