31 марта 2010 г.
Иртнĕ кунсенче республикăра «100 пин тĕрĕ çĕршывĕнче» зонăри 1-мĕш конкурс пулчĕ. Ăна Патăрьелĕнче ирттерчĕç. Çак конкурса пирĕн районтан Настя Тимофеева (Хырай Ĕнел вăтам шкулĕ), Елена Новожилова (Аслă Чурачăк вăтам шкулĕ), Михаил Тихонов, Татьяна Лукова (Çĕнĕ Мăрат вăтам шкулĕ) хутшăнма тивĕç пулчĕç.
Ачасен ĕçĕсене хак пама Е.Н.Жачева чăваш халăх тĕрĕ ăсти килсе çитрĕ. Елчĕк, Комсомольски районĕсенчен пухăннă тĕрĕçĕсем жюри членĕсене чăн-чăн чăваш тĕррисене тĕрлесе кăтартрĕç, ыйтусем çине те хуравсем пачĕç. Евгения Николаевна аваллăх тĕррине манманнишĕн питĕ хĕпĕртерĕ, ачасен пултарулăхне пысăк хак пачĕ. Çитменлĕхсене те палăртрĕ. Район чысне хÿтĕлекен ачасен ĕçĕсем республикăра иртекен конкурса та хутшăнма тивĕç пулчĕç.
Юлашкинчен тĕп хуламăртан килнĕ тĕрĕ ăсти вĕрентекенсем валли мастер-класс ирттерчĕ.
Источник: "Каçал Ен"