27 марта 2010 г.
Комсомольскинчи культурăпа кану центрĕ 2010 çулта палăртнă планпа килĕшÿллĕн «Мирлĕ пурнăçшăн» фольклор уявĕ ирттерет. Ăна Вĕрентекен çулталăкне тата Аслă Çĕнтерÿ пулнăранпа 65 çул çитнине халалланă. Тĕллевĕ — районта пурăнакан тĕрлĕ национальноçсен йăли-йĕркине кăтартасси, аталантарасси. Уява пур ял поселенийĕсенчи пултарулăх коллективĕсене те чĕнеççĕ. Унта хутшăнас текенсен сцена çине тухмалли программăсене апрелĕн 1-мĕшĕччен культурăпа кану центрне тăратмалла.
Уяв районти культурăпа кану центрĕнче апрелĕн 6-мĕшĕнче иртет, 18.30 сехетре пуçланать. Пурне те унта пырса курма чĕнетпĕр. Тĕплĕнрех 5-13-61, 8-927-865-44-70 телефонсемпе ыйтса пĕлме пулать.