24 марта 2010 г.
2009 çул Çĕр ĕçченĕн çулталăкĕ пулчĕ. Çавна май библиотека ĕçченĕсем ял хуçалăх ĕçĕпе çыхăннă темăсене тĕпе хурса ĕçлерĕç. Массăллă мероприятисем — «Информаци сехечĕсем», «Специалист кунĕсем», кĕнеке выставкисем, электронлă презентацисем — йĕркелесе ирттерчĕç.
Библиотекарьсем хăйсен пултарулăхне Чăваш Республикин наци библиотекипе «Агроинноваци» КУП йĕркеленĕ конкурсра тупăшрĕç. Конкурсăн пĕрремĕш турĕ хамăр районта иртрĕ. Районти тĕп библиотека ĕçченĕсемпе ял хуçалăх пайĕн специалисчĕсенчен йĕркеленĕ жюри членĕсем конкурса тăратнă ĕçсене тĕплĕн тишкерчĕç, тивĕçлĕ хак пачĕç.
Конкурсăн иккĕмĕш турне хутшăнма 8 библиотека тивĕç пулчĕ. Республика конкурсĕн пĕтĕмлетĕвĕсем тăрăх Çĕнĕ Мăрат (библиотекарĕ О.П.Андреева) ял библиотеки «Чи лайăх массăллă мероприяти» номинацире 1-мĕш вырăн йышăнчĕ. Районти тĕп библиотека «Веб-сайтăн чи лайăх страници» номинацире иккĕмĕш вырăна тивĕçрĕ. Çĕнтерÿçĕсене Дипломсем тата хаклă парнесем парса чысларĕç.
Источник: "Каçал Ен"