20 марта 2010 г.
Нумаях пулмасть Урмаелĕнче «Чăвашрегионгаз» ООО генеральнăй директорĕн, Чăваш Патшалăх Канашĕн депутачĕн К.С.Мифтахутдиновăн призĕсене çĕнсе илессишĕн хоккей турнирĕ йĕркелерĕç. Ăмăрту кăçал иккĕмĕш хут иртрĕ. Унта Канаш, Елчĕк районĕсенчи, Урмаел тата Комсомольски ялĕсенчи 4 команда хутшăнса вăйĕсене виçрĕç.
Турнир вĕçĕ яланах интереслĕ. Хĕрÿ тупăшура Елчĕк районĕн хоккеисчĕсем чи маттуррисем пулчĕç, вĕсем пĕрремĕш вырăна тивĕçрĕç. Комсомольски спортсменĕсем 3:2 шутпа елчĕксене выляса ярса иккĕмĕш вырăна тухрĕç. Виççĕмĕш вырăна Канаш район хоккеисчĕсем çĕнсе илчĕç.
Çĕнтерÿçĕсене Хисеп грамотисем тата хаклă парнесем парса чысларĕç.
Источник: "Каçал Ен"