13 марта 2010 г.
Нарăс уйăхĕн 1-мĕшĕнчен пуçласа 28-мĕшĕччен районти тĕп библиотекăра «Прочти книгу о войне» акци иртрĕ. Унта 119 çын хутшăнчĕ. Уйрăмах Б.Васильев, В.Некрасов, В.Быков тата ытти писательсен произведенийĕсене кăмăлласа вуларĕç. Çавăн пекех вĕсем районтан Аслă Отечественнăй вăрçа хутшăннă паттăр ентешсемпе те кăсăкланчĕç. «Чи лайăх вулакан» ята И.Ялюков, А.Гавриков, Р.Моисеев тивĕçрĕç. «Вăрçă çинчен эсĕ мĕн пĕлетĕн?» конкурса та пĕтĕмлетрĕмĕр. Унта З.Николаева, Л.Афанасьева (Хирти Мăнтăр вăтам шкулĕ), А.Айнетдинова, А.Андреева (Комсомольски 2-мĕш вăтам шкулĕ), К.Жукова, Л.Фаткуллина, Е.Ильина (Комсомольски 1-мĕш вăтам шкулĕ) чи пултаруллисем пулчĕç. Комсомольски 2-мĕш вăтам шкулĕнчи 8-мĕш «а» класс ачисем (класс ертÿçи Т.П.Иванова) те конкурсра анлă тавракурăмлă пулнине кăтартрĕç. Çĕнтерÿçĕсене Хисеп грамотисем тата парнесем парса чысларĕç.