Публикации » Пархатарлă утăм тунă, юн панă

13 марта 2010 г.

Йывăр аманнă çыннăн пурнăçне çăлса хăварас тесен сахал мар юн кирлĕ. Çакна пирĕн район çыннисем лайăх ăнланнине районти тĕп библиотека çуртĕнче мартăн 11-мĕшĕнче иртнĕ Донорсен кунĕ те çирĕплетрĕ. Çав кун 114 çын юн панă. Уйрăмах районти шалти ĕçсен пайĕнче, тĕп больницăра вăй хуракансем активлă пулнă. Л.Ф.Тихонова, Е.И.Владимиров, В.Н.Чернова, А.В.Буланков пĕрре мар юн панă. П.С. Юманов, «Хисеплĕ донор» ята тивĕçнĕскер те, çак кун юн панă çĕрте пурччĕ. Вĕсем пархатарлă утăм тунă тесе пысăк саспаллисемпех çырма пулать.