10 марта 2010 г.
Иртнĕ кунсенче Асанкасси вăтам шкулĕнче Пĕтĕм тĕнчери хĕрарăмсен кунне халалласа «Айтăр-ха, хĕр ачасем!» конкурс ирттерчĕç. Ăна 8-мĕш класра вĕренекенсем йĕркелерĕç. Уява М.Михайловăпа А.Козлова ертсе пычĕç.
Конкурсантсем юрларĕç, ташларĕç, ыйтусем çине хуравларĕç, сăвăсем ăсталарĕç, сценкăсемпе те савăнтарчĕç.
Хĕрÿ тупăшура 10-мĕш класс ачисем пĕрремĕш, 9-мĕшсем иккĕмĕш, 7-мĕшсем виççĕмĕш вырăнсене йышăнчĕç. Уява ташă каçĕпе вĕçлерĕç.
Источник: "Каçал Ен"