03 марта 2010 г.
Йăлана кĕнĕ тăрăх, кашни çулах Аслă Чурачăкра СССР чемпионкине Вера Черновăна асăнса йĕлтĕрпе чупакансен ăмăртăвĕ иртет. Унта яланах районти вăтам тата тĕп шкулсенчи вĕренекенсем, предприятисемпе организацисенче ĕçлекенсем йышлăн хутшăнаççĕ.
Ăмăртăва уçса ял поселенийĕн пуçлăхĕ Ю.Г.Лукиянов, Аслă Чурачăк вăтам шкулĕн директорĕ С.А.Лукиянов тата ытисем те спортсменсене ăнăçу сунчĕç.
Кунĕ лайăх пулчĕ. Çанталăк та ăмăртакансене ăнăçу суннă пекех туйăнчĕ.
Хĕрÿ тупăшура вăтам шкулсем хушшинче нĕркеçсем пĕрремĕш, çĕнĕмăратсем иккĕмĕш, аслă чурачăксем виççĕмĕш вырăнсене çĕнсе илчĕç. Тĕп шкулсем хушшинче тăманлăвыçлисем, анаттимĕрчкассисем, чĕчкенсем маттуррисем пулчĕç.
Источник: "Каçал Ен"