03 марта 2010 г.
Районта паянхи кун «Прочти книгу о войне» акци пырать. Ăна совет халăхĕ Тăван çĕршывăн Аслă вăрçинче çĕнтернĕренпе 65 çул çитнине халалланă. Унăн тематики анлă.
Çакна шута илсе районти тĕп библиотекăра февральте уйăхлăх йĕркелерĕмĕр. Шкулсенче те ку енĕпе тăрăшаççĕ, тĕрлĕ мероприятисем ирттереççĕ.
Нумаях пулмасть Хырай Ĕнел вăтам шкулĕнче 7— 8-мĕш классенче вĕренекенсем тĕп библиотекăна çитрĕç. «Не забывать нам этой даты, что покончила войной» тематикăлла каçа библиотекарьсем вăрçă çулĕсем çинчен каласа панипе пуçларĕç. Сăвăсем пулчĕç, Тăван çĕршывăн Аслă вăрçи çинчен ÿкернĕ кинофильмсен сыпăкĕсене те кăтартрĕç. Ытла та хăрушă пулнă-çке çав кунсем. Вăрçă темипех викторина пулчĕ. Хастаррисем призсем те илчĕç. Районти тĕп библиотека ĕçченĕсем ачасене «Пирĕн ентешсем — Совет Союзĕн Геройĕсем» буклетсем парнелерĕç.
Кун пек мероприятисем йĕркелени ачасене çарпа патриотизмла воспитани парас тĕлĕшпе пысăк пĕлтерĕшлĕ. Ăна Çĕнтерÿ кунĕ умĕн кашни çĕртех йĕркелесчĕ.
Источник: "Каçал Ен"