27 февраля 2010 г.
Февралĕн 20-мĕшĕнче Тăманлă Выçлири пĕтĕмĕшле пĕлÿ паракан тĕп шкулăн спортзалĕнче Виктор Тумаков воин-интернационалиста халалласа 21-мĕш хут волейбол турнирĕ иртрĕ. Пухăннисене Афганистан вăрçин ветеранĕсен районти обществин председателĕ В.Н. Гаврилов саламларĕ, çитĕнÿ тума сунчĕ. Ултă команда вăй виçрĕ площадкăра. Хĕрÿ тупăшура комсомольскисен команди пĕрремĕш вырăн çĕнсе илчĕ, шурутсем — иккĕмĕш, Çĕнĕ Мăрат çамрăкĕсем виççĕмĕш пулчĕç.
Шкул директорĕ Е.Г.Басников тăрăшнипе спорт турнирĕ çÿллĕ шайра иртрĕ. «Пайгас» ял хуçалăх кооперативĕ, М.А. Киргизов, В.А. Вахитов предпринимательсем спонсорла пулăшу парса пулăшрĕç. В.В. Павлов тĕп судья ăмăртăва ăнăçлă йĕркелесе пычĕ.
Источник: "Каçал Ен"