13 февраля 2010 г.
Раççей ача-пăча фончĕн республикăри уйрăмĕ пуçарнипе йĕркеленĕ Чăваш Республикин Президенчĕ Николай Федоров тата РФ Патшалăх Думин çĕршывсен хушшинчи ĕçсен комитечĕн председателĕ Константин Косачев ертсе пыракан «Ачалăхшăн, ачалăх ячĕпе» марафон кунран-кун вăй илсе пырать. Республикăри хуласемпе районсенчи организацисемпе предприятисенчен чылайăшĕ унта хăйсен тÿпине хывма та ĕлкĕрчĕç.
Пирĕн районта пурăнакансем те çак марафона хутшăнчĕç. «Каçал ен» хаçатăн, Культурăпа кану центрĕн, Пенси фончĕн районти управленийĕн, район администрацийĕн тата финанс пайĕн, социаллă хÿтлĕх пайĕн, централизациленĕ бухгалтерин (МБУ «Централизованная бухгалтерия» Комсомольского района), вĕрентÿ пайĕн, ЧР Финанс министерствин, РФ казначействин Чăваш Республикинчи районти уйрăмĕсен ĕçченĕсем, Р.Р.Мавлютов «Ачалăхшăн, ачалăх ячĕпе» марафон фондне пурĕ 18612 (кăтартусем февралĕн 9-мĕшĕ тĕлне) хыврĕç. Шел, районти ытти организацисемпе предприятисем марафона хутшăнман. Сăлтавĕ мĕнре-ши? Тен, хăш-пĕр ертÿçĕсем пĕлмесĕр юлнă е укçа-тенкĕ хывма шутламан? Марафон малалла пырать. Сусăр ачасене, тăлăхсене, ашшĕ-амăшĕн хÿттисĕр юлнисене медицинăпа социаллă пулăшу пама, пултаруллă çамрăксене хавхалантарма тата ачалăх ячĕпе ыр кăмăллăх программин тÿпине хывмаллах, укçа-тенкĕ уйăрмаллах.
Хаклă вулакансем, пархатарлă та сăваплă ĕçе эсир те хăвăр тÿпĕре хывса, тимсĕрлĕхе сирсе йывăр шăпаллă ачасене – пурнăç чечекĕсене — хÿтĕлесси иккĕлентермест. Асра тытăр: паян вĕсене тĕрек парса пуласлăх пирки шутлатпăр.
Ырă кăмăллă çынсем укçа-тенкĕ куçарма пултараççĕ.
Ача-пăча фончĕн реквизичĕсем:
ЧРОООБФ «Российский детский фонд»
ИНН 2128005408 КПП 213001001
Р/сч 40703810075220160067
В Чувашском ОСБ № 8613 г. Чебоксары
БИК 049706609
к/сч 30101810300000000609.
Источник: "Каçал Ен"