06 февраля 2010 г.
Нумаях пулмасть Йĕпреçре 1993 тата 1994 çулта çуралнă çамрăксем хушшинче ирĕклĕ майпа кĕрешсе республикăра мала тухассишĕн ăмăрту иртнĕ. Унта 14 командăри 300 яхăн спортсмен вăй виçнĕ. Пирĕн районтан 6 арçын ача тата 5 хĕр ача хутшăннă. Вĕсем пурте районти ача-пăча спорт шкулĕнче хăнăхусем ирттереççĕ, ăсталăха туптаççĕ. Республикăри ăмăртура В.Тукаев, И.Гайнутдинов (Урмаел), Н.Миронов, М.Максимов (Асанкасси), В.Трофимов (Аслă Чурачăк) лайăх енчен палăрнă. Хĕрсенчен хăйсен виçе категорийĕсемпе Е.Николаева пĕрремĕш, Е.Никифорова, И.Андреева, В.Семенова иккĕмĕш, У.Данилова виççĕмĕш вырăнсем йышăннă. Вĕсем пурте — Анат Тимĕрчкасси тĕп шкулĕнчен. Тренерĕ — В.Денисов. Асанкассисене Г.Петухов, аслăчурачăксене Н.Крылов, урмаелсене И.Табаев хатĕрленĕ.
Источник: "Каçал Ен"