10 февраля 2010 г.
Класс ертÿçисен ăсталăхне, тавракурăмне анлăлатас тĕлĕшпе Чăваш Республикинче «Самый классный классный» конкурс ирттереççĕ. Чи пултаруллă та маттур педагогсене тупса палăртас тесе пирĕн районта иртнĕ çул ноябрьпе декабрь уйăхĕсенче асăннă конкурсăн 1-мĕш этапĕ иртрĕ. Унта 45 вĕрентекен хутшăннă. Иртнĕ кунсенче комисси конкурс ĕçĕсене пĕтĕмлетнĕ. Республикăра район чысне Комсомольски 1-мĕш вăтам шкулĕнче вĕрентекенсем Елена Николаевна Серебровăпа Ирина Алексеевна Соловьева, Любовь Александровна Наумова (Çĕнĕ Мăрат вăтам шкулĕ) хÿтĕлĕç, хăйсен пултарулăхне кăтартĕç.
Çавăн пекех Ольга Семеновна Любимова (Кĕçĕн Çĕрпÿел вăтам шкулĕ), Вероника Николаевна Шингалова (Тăманлă Выçли тĕп шкулĕ), Светлана Григорьевна Индюкова (Комсомольски 2-мĕш вăтам шкулĕ), Нина Алексеевна Смирнова (Хирти Мăнтăр вăтам шкулĕ), Дина Миназимовна Гимальдиновăпа Гузель Миназимовна Хайртдинова (Тукай Мишер вăтам шкулĕ), Ирина Николаевна Кокшина (Хырай Ĕнел вăтам шкулĕ) ĕçĕсене те лайăх хак панă.
Источник: "Каçал Ен"