03 февраля 2010 г.
Иртнĕ кунсенче Елчĕк районĕнчи Арланкасси ялĕнче çуралса ÿснĕ, нумай çул Патăрьел район сучĕн председателĕнче ĕçленĕ Р.В. Соловьева асăнса «За самую крупную рыбу» номинаципе пулăçсем ăмăртнă. Унта Шăмăршă, Комсомольски, Елчĕк, Патăрьел, Канаш тата Йĕпреç районĕсенчи 18 команда хутшăннă. Кашнинче 4-шар çын пулнă. Хĕрÿллĕ тупăшура пирĕн район спортсменĕсем пĕр сехет çурăра 1 килограмм та 900 грамм чухлĕ пулă тытса пĕрремĕш вырăна тухнă. А.Кудрявцев, Ф.Антонов, А.Серебров тата В.Сумзин çĕнтерÿçĕсене кубок тата Хисеп грамотисем парса чысланă.
Источник: "Каçал Ен"