20 января 2010 г.
Вĕрентекен кашнишĕн пысăк пĕлтерĕшлĕ. Вăл ачасене ырра вĕрентет, пĕлÿ тĕнчипе паллаштарать. Ахальтен мар ĕнтĕ вĕсен сумлă ĕçне палăртса РФ Президенчĕ Дмитрий Медведев 2010 çула Вĕрентекен çулталăкĕ тесе палăртнă.
Учительсен професси ăсталăхне ÿстерес тĕлĕшпе республикăри районсемпе хуласенче те тĕрлĕ мероприяти иртет.
Январь уйăхĕн 12—23-мĕшĕсенче ЧР Вĕрентÿ министерстви 9—11-мĕш классенче пĕлÿ пухакансем хушшинче «Пуласлăх учителĕ» ятпа эссе çыракансен конкурсне йĕркелет. Унăн тĕп тĕллевĕ – педагог профессине сума суса, ăна пысăка хурса хаклама вĕрентесси.
Жюри членĕсем темăна уçса панине, пултарулăха, материал содержанине шута илеççĕ.
Çĕнтерÿçĕсене парнесемпе, дипломсемпе наградăлаççĕ.
Источник: "Каçал Ен"