26 декабря 2009 г.
Çак кунсенче Урмаелĕнчи культура çуртĕнче республикăри «Урожай» спорт обществин призĕсемшĕн армрестлинг енĕпе ăмăрту иртнĕ. Унта пирĕн район спортсменĕсем пĕрремĕш вырăн йышăннă. Командăна Н.С.Сахров хатĕрленĕ. Канашсем — иккĕмĕш, куславккасем виççĕмĕш пулнă.
Уйрăм спортсменсем хушшинче хĕрсенчен Урмаелĕнчи Л.Рахимзянова (55 килограмм), Г.Зайнуллина (65 килограмм), И.Ахметова (76 килограмм) çĕнтернĕ. Арçынсенчен М.Мжгиев (57 килограмм), Д.Салахутдинов (63 килограмм), И.Амерханов (70 килограмм), А.Мурзуков (78 килограмм), И.Табаев (86 килограмччен), А.Зарипов (86 килограмран ытларах) пĕрремĕш вырăнсене йышăннă. Абсолютлă чемпион ята А.Зарипов çĕнсе илнĕ. И.Амерханов иккĕмĕш, И.Табаев виççĕмĕш пулнă. Оргкомитет тата ЧР армспорт федерацийĕн председателĕ И.В.Смоленцев ăмăрту пысăк шайра иртнине палăртаççĕ. Вĕсем пулăшу панăшăн А.Шакурова, «Алга» ял хуçалăх кооперативĕн председательне Н.Мифтахутдинова, Ф.Гибатдинова тав тăваççĕ.
Источник: "Каçал Ен"