12 декабря 2009 г.
Чăваш Республикин тата Тутарстан Республикин тава тивĕçлĕ культура ĕçченĕн, Чăваш Енти тутарсен наципе культура автономийĕн президенчĕн Ферит Гибатдиновăн ятне Чăваш Енре те, Тутарстанта та лайăх пĕлеççĕ. Вăл ертсе пыракан Комсомольскинчи ача-пăча искусство шкулне çÿрекенсем те республика шайĕнче палăрса тăраççĕ.
Декабрĕн 11-мĕшĕнче Хусанти наципе культура центрĕнче унăн творчество каçĕ пулнă. Унта хăйсен пултарулăхне Урмаелĕнчи «Мишар» фольклорпа эстрада ансамблĕ, Шупашкарти «Сувар» халăх хореографи ансамблĕ, Тутарстан тава тивĕçлĕ артисчĕсем Вил Усмановпа Резеда Шарафиева кăтартрĕç. Çавăн пекех сцена çине «Фарида-Алсу» дуэт, «Хаят» вокал ансамблĕ тата ытти паллă ансамбльсемпе юрăçсем тухнă.
Источник: "Каçал Ен"