09 декабря 2009 г.
Велоспорт енĕпе СССР чемпионки ята çĕнсе илнĕ З.Ефремовăна асăнса Анат Тимĕрчкассинче ирĕклĕ майпа кĕрешекенсен ăмăртăвне йĕркелесси йăлана кĕнĕ. Кăçал та иртрĕ вăл. Унта йышлăн хутшăнчĕç. Арçын ачасенчен 22 килограмлă виçере С.Парфенов (Анат Тимĕрчкасси), 24-линче Д.Андреев (Анат Тимĕрчкасси), 26-линче С.Пыркин (Асанкасси), 28-линче А.Сакмаров (Анат Тимĕрчкасси), 30-линче Д.Парфенов (Анат Тимĕрчкасси) çĕнтерчĕç. Ытти виçесенче те кĕрешÿсем хĕрÿ пулчĕç. 32, 34, 38, 40 килограмлă виçере В.Миронов (Комсомольски), С.Григорьев (Аслă Чурачăк), Ю.Степановпа А.Артемьев (Анат Тимĕрчкасси) пĕрремĕш вырăн йышăнчĕç.. 42 килограмлă виçере Р.Козлов (Анат Тимĕрчкасси), 46-линче Д.Малышев (Комсомольски), 50 килограмлинче М.Максимов (Асанкасси), 54-линче Е.Павлов (Асанкасси) палăрчĕç. Урмаелĕнчи Д.Пахалов 58 килограмлисем, Анат Тимĕрчкассинчи С.Никифоров 68 килограмлисем, Асанкассинчи Н.Миронов 76 килограмлисем, Тукай Мишерĕнчи И.Зайнуллин 79 килограмлисем хушшинче мала тухрĕç. Хĕрсем те кавир çинче пулчĕç. 34, 42, 68 килограмлă виçесенче Е.Никифорова, У.Данилова, Е.Николаева (пурте Анат Тимĕрчкассинчен) çĕнтерчĕç.
Ку ăмăрту районта ăста кĕрешÿçĕсем çитĕннине çирĕплетрĕ. Çĕнтерÿçĕсене Хисеп грамотисемпе, приземпе наградăларĕç.
Источник: "Каçал Ен"