28 ноября 2009 г.
Çĕнĕ Мăрат вăтам шкулĕнче вĕренекенсем «Çамрăксем — сывă пурнăç йĕркишĕн» акцие хутшăнса тĕрлĕрен мероприяти ирттерчĕç. Вĕсем спорт вăййисем, викторинăсем, конкурссем йĕркелерĕç.
Акă, иртнĕ кунсенче волонтерсен ушкăнĕ (ертÿçи — И.И.Борисова социаллă педагог) вĕренекенсем умĕнче ырă та ăшă кăмăллă пулмалли çинчен калаçусем ирттерчĕ, вăйăсем выляттарчĕ. Çак ушкăн районти конкурса хутшăнса малти вырăн йышăнчĕ, Хисеп грамотисем илме тивĕçлĕ пулчĕ.
Çавăн пекех çак акцие Çĕнĕ Мăратри пĕтĕмĕшле практика врачĕн уйрăмĕн ĕçченĕсем те активлă хутшăнаççĕ. Л.А.Макарова ачасемпе тĕл пулса калаçу ирттерчĕ. Вĕренекенсен ыйтăвĕсем çине тулли хуравсем пачĕ.
Источник: "Каçал Ен"