21 ноября 2009 г.
Нумаях пулмасть Аслă Чурачăк вăтам шкулĕн спорт залĕнче шкул ачисем хушшинче баскетболла выляса районта мала тухассишĕн чемпионат иртрĕ. Ку ăмăрту спартакиада шутне кĕрет. Финала Комсомольски пĕрремĕш тата иккĕмĕш, Шурут, Асанкасси вăтам шкулĕсем тухрĕç. Тупăшусем хĕрÿ пулчĕç. Комсомольски 1-мĕш вăтам шкулĕн хĕрĕсен команди шурутсене çĕнтерчĕ, пĕрремĕш вырăншăн кĕрешсе Комсомольски 2-мĕш вăтам шкулĕн командине парăнтарчĕ. Комсомольски 1-мĕш вăтам шкул арçын ачисем те Шурут вăтам шкулĕнчен выляса илсе 1-мĕш вырăн йышăнчĕç. Çĕнтерÿçĕ командăсенче С.Атласкина, А.Назмеева, Н.Петрова, Н.Галкина, Д.Спиридонова, А.Титова, А.Ильина, М.Чернова, И.Токмаков, Д.Минин, А.Шкаблев, В.Фадеев, Р.Воробьев, И.Тимуршин, А.Тимофеев вылярĕç.
Чĕчкен пĕтĕмĕшле пĕлÿ паракан тĕп шкулĕнче кĕçĕн класра вĕренекенсем тупăшнă. Чĕчкенсем 1-мĕш, хырхĕррисем 2-мĕш, александровкăсем 3-мĕш вырăн йышăннă. Çĕнтерÿçĕсене Дипломсемпе наградăланă.
Районăн пĕрлештернĕ команди кăнтăр енчи районсен зонăри ăмăртăвĕнче 2-мĕш вырăн йышăнни баскетбол пирĕн тăрăхра вăй илсе пынине çирĕплетет.
Источник: "Каçал Ен"