18 ноября 2009 г.
Вĕренÿ заведенийĕсене пĕтернĕ хыççăн чылай çамрăк районти халăха ĕçпе тивĕçтерес енĕпе ĕçлекен центра пырать. Ун пеккисем валли республикăра тĕллевлĕ программа ĕçлет. Халăха ĕçпе тивĕçтерекен центр стажировка ирттерет. Унта тин çеç профессиллĕ вĕрентÿ учрежденийĕсене пĕтернисем хăйсем çул-йĕр суйласа илнине тĕрĕслеме пултараççĕ. Производство объекчĕсенче пулса, ĕçлесе хăйсен пĕлĕвне, пултарулăхне кăтартаççĕ, опытне ÿстереççĕ. Лайăх енчен палăрсан ĕç вырăнĕ те тупаççĕ. Ĕç паракансемшĕн те ку меллĕ. Кандидат хăйне мĕнле кăтартнине, ăсталăхне, çынсемпе хутшăннă чухне епле тыткаланине, ĕçлес хавхаланăвне пĕлме май пур. Кăмăла каяканнисене ĕçе илеççĕ.
Çуркунне район администрацийĕпе вĕренÿ заведенийĕсене пĕтернĕ граждансемпе стажировка ирттерме килĕшÿ тунăччĕ, 7-шне ĕçе вырнаçтарма май килчĕ. Кĕркунне те ку енĕпе ĕçлетпĕр. Пĕлÿ илнĕ, ĕç тупайман 4 çамрăк стажировка хыççăн ĕç тупрĕ.
Источник: "Каçал Ен"