03 ноября 2009 г.
Пирĕн район кашни ĕнерен сĕт суса илес енĕпе юлашки çулсенче 1—3 вырăнсенче пынă. ЧР Ял хуçалăх министерствинчен пĕлтернĕ тăрăх, октябрĕн 23-мĕшĕ тĕлне 5-мĕш вырăнта анчах. Çапах та районти хуçалăхсем пĕлтĕрхи çак вăхăтринчен ытларах сĕт сăваççĕ. Иртнĕ çул 9,5 килограмм пулнă пулсан, кăçал кашни ĕне пуçне 10,4 килограмм. «Рассвет» ял хуçалăх кооперативĕнчи ĕнесем талăксерен 15,8 килограмм сĕт антарнă. Ку — республикăра 4-мĕш кăтарту.
Республикăри ытти районсен кăтартăвĕсемпе паллашар-ха. Сăвăм Çĕмĕрле районĕнче чи пĕчĕккки (кашни ĕне пуçне 6,8 килограмм анчах). Тăвай райо-нĕнчи «Дружба» хуçалăхра ĕнесем вăтамран 2,3 килограмм анчах сĕт параççĕ.
Районта кăçал выльăх апачĕ çителĕклех хатĕрленĕ. Витесене дезинфекциленĕ, юсанă. Çавăнпа та сăвăм хĕл кунĕсенче те чакмĕ тесех калама пулать.
Источник: "Каçал Ен"