31 октября 2009 г.
Республикăри наци библиотеки «Мир агрария» конкурс йĕркелесси çинчен кăçалхи апрель уйăхĕнче пĕлтернĕччĕ. Конкурса Çĕр ĕçченĕн çулталăкне халалласа ирттереççĕ. Ăна районти библиотека ĕçченĕсем те хатĕрленчĕç. Çак конкурса янă ĕçсене ятарлă жюри пăхса тухать. Конкурсăн 1-мĕш турĕ районта иртет. Пĕрремĕш турта çĕнтернĕ ĕçсем 2-мĕш тура хутшăнаççĕ. Вĕсене республикăри Наци библиотекинче пăхса тухаççĕ.
Иртнĕ кунсенче йĕркелÿ комитечĕн ларăвĕ пулса иртрĕ. Библиотека ĕçченĕсем хатĕрленĕ çĕнтерÿçĕ материалсене жюри йĕркелÿ комитетне ярса панă. 2-мĕш тура хутшăнма 8 библиотека тивĕçлĕ пулчĕç. Вĕсем: районти тĕп, Тукай, Çĕнĕ Мăрат, Элпуç, Йăлмахва, Хырхĕрри ялĕсенчи библиотекăсем, Хырай Ĕнел, Йÿç Шăхаль ялĕсенчи библиотекăсен пункчĕсем.
Библиотекăсем «Чи лайăх массăллă мероприяти» номинацире тупăшаççĕ. Районти тĕп библиотека «Веб-сайтăн чи лайăх страници» номинацине хутшăнать.
Ăнăçу сире, библиотекарьсем!
Источник: "Каçал Ен"