29 июля 2009 г.
Районти ял хуçалăх предприятийĕсенче хĕрÿ ĕç вăхăчĕ. Хуçалăхсен ĕçченĕсем вырмана та тухрĕç. Пуçăннă ĕçе епле пулин те вăхăтра, пахалăхлă пурнăçласчĕ.
Районта пуçласа кăçал июлĕн 24-мĕшĕнче «Асаново» ЯХПК пăрçа, Минатуллин фермер хуçалăхĕ кĕрхи тулă çулма тухнă. Июлĕн 25-мĕшĕнче «Урожай» колхоз, 26-мĕшĕнче «Слава», «Дружба», «Расвет» ЯХПКсем, «Искра» колхоз вырма ĕçĕсене пуçăннă. «Дубрава» ООО, «Алга» ЯХПК ĕçченĕсем те вырмара. Июлĕн 27-мĕшĕ тĕлне пурĕ 35 тонна тĕш тырă çапса тĕшĕленĕ. Çав шутран «Дружбăра» — 10 тонна, «Алгара» — 25 тонна. Йĕтемсем тĕш-тыра йышăнма хатĕр. Кĕлетсене тирпейлесе тасатнă, дезинфекциленĕ.
Выльăх апачĕ хатĕрлес ĕç те малаллах пырать. Пурĕ 7589 тонна утă çулса типĕтнĕ. «Слава» ЯХПК 1270 тонна, «Урожай» — 825 тонна, «Труд» 700 тонна утă хатĕрленĕ.
Ял хуçалăх предприятийĕсем 20229 тонна сенаж хывнă. Выльăх-чĕрлĕх валли «Труд» — 2863 тонна, «Асаново» — 2756 тонна, «Восток» — 2674 тонна, «Луч» 2000 тонна сенаж хатĕрленĕ.
Кĕрхи культурăсене акма çĕр хатĕрлес енĕпе те хуçалăхсенче çине тăрса ĕçлеççĕ. Июлĕн 27-мĕшĕ тĕлне çак ĕçе пурĕ 2524 гектар çинче пурнăçланă. «Слава картофелю» агрофирмăра — 500 гектар, «Урожай» колхозра — 270 гектар «Дружбăра» — 200 гектар, «Нива» агрофирмăра — 160 гектар, Минатуллин фермер хуçалă-хĕнче 140 гектар çĕр сухаланă.
Çанталăк аван тăнă чухне пур ĕçе те вăхăтра пурнăçласчĕ.
Источник: "Каçал Ен"