22 июля 2009 г.
Çанталăк уяр тăрать. Ял хуçалăх предприятийĕсем пикенсех уй хирте тăрăшаççĕ. Июлĕн 20-мĕшĕ тĕлне районĕпе 1800 гектар пĕр çул ÿсекен курăксем çулнă. 6644 тонна утă, 6388 тонна сенаж, 800 тонна силос хатĕрленĕ. «Дружба» ял хуçалăх кооперативĕ 3 гектар çĕр улми кăларнă. Кĕр тыррисем акма çĕр хатĕрлеççĕ. Хальлĕхе 2221 гектар çĕр сухаланă.
Хуçалăхсем вырмана та хатĕрленеççĕ, техникăсене юсаççĕ, кĕлетсене тасатаççĕ.