22 июля 2009 г.
Чăваш Республикин 2005 çулхи февралĕн 8-мĕшĕнчи саккунĕ тата 2009 çулхи мартăн 3-мĕшĕнчи Министрсен Кабинечĕн постановленийĕ ялта пурăнакан хăш-пĕр категорие кĕрекен çынсене пурăнмалли çурт-йĕр тата комуналлă тăкаксене саплаштарас енĕпе çăмăллăхсем парасси çинчен калать. Пирĕн районта уйăхсерен паракан укçа-тенкĕ виçи 479, 95 тенкĕпе танлашать. Июль уйăхĕнче ялта пурăнакан категорие кĕрекен 879 çынна пурĕ 432 пин тенкĕ укçа уйăрса панă. Вăл шутран сывлăха сыхлас ĕçре вăй хуракан 267 çын 128 пин, вĕрентÿре ĕçлекен 500 çын 240 пин, культурăри 100 çын 48,4 пин, ветслужбăра тăрăшакан 26 çын 12,5 пин, социаллă сферăра вăй хуракан 4 çын 2,9 пин тенкĕ укçа илнĕ.