11 июля 2009 г.
Июлĕн 8-мĕшĕнче район администрацийĕнче ял хуçалăх предприятийĕсен тĕп агрономĕсемпе черетлĕ пысăк канашлу иртнĕ. Унта район пуçлăхĕ Геннадий Волков тухса калаçнă. Кăçалхи пĕрремĕш çур çулти район еплерех аталаннипе паллаштарнă. Çавăн пекех «Россельхозцентр» патшалăх учрежденийĕн районти филиалĕн начальникĕ Надежда Чернова сăмах илнĕ. Вăл вăрлăха хатĕрлесси, ăна пахалăхлă упрасси çинче чарăнса тăнă. Ял хуçалăх пайĕн тĕп агрономĕ И.Х.Минетуллин çурхи ака-суха ĕçĕсене еплерех пурнăçланипе паллаштарнă, вырмана вăхăтра, пахалăхлă ирттермелли çине пысăк тимлĕх уйăрмаллине каланă. «Россельхозцентр» ФПУ районти филиалĕн агрономĕ А.Н. Смирнов сăмах илнĕ. Вăл ытларах вăрлăх пахалăхĕ çинче чарăнса тăнă. Начар вăрлăх аксан — пысăк тухăç илесси пирки шутлама та кирлĕ мар. Çавăнпа та ял хуçалăх предприятийĕсенчи агрономсен ку енĕпе çирĕп ĕçлемелле. Вăрлăхсене çĕнетмелле, элита вăрлăхсем туянмалла.
Канашлăва хутшăннисем тĕрлĕ ыйтăва сÿтсе явнă. Агрономсем пĕр-пĕринпе курнăçса калаçни ĕç пахалăхне ÿстерме пулăшатех. Пĕр пĕрин опычĕпе паллашни те кирлех.