11 июля 2009 г.
Районти ял хуçалăх предприятийĕсем уяр кунсемпе пахалăхлă усă кураççĕ, кăштах çумăр çуни те выльăх апачĕ хатĕрлеме чăрмав кÿмерĕ. Акă, пĕр çул ÿсекен курăксен уйăсенче хĕрÿ тапхăр пырать. Июлĕн 10-мĕшĕ тĕлне çак ĕçе 385 гектар çинче пурнăçланă. Пурĕ çак культурăна 2692 гектар çинче çитĕнтереççĕ.
Вăхăтра утă хатĕрлес енĕпе те харсăр тăрăшаççĕ ĕçченсем. Пурĕ 6015 тонна утта пуçтарса кĕртнĕ. Ку енĕпе «Слава» ЯХПК (1020 тонна), «Урожай» колхоз (623 тонна), «Труд» (5000 тонна), «Госсорткомиссия» ФПУ (446 тонна) хатĕрленĕ.
Ял хуçалăх предприятийĕсем 10126 тонна сенаж янтăланă. Çак ĕçе уйрăмах «Восток», «Луч» хуçалăхĕсенче, «Урожай» колхозра лайăх йĕркеленĕ. «Изамбаево» хуçалăхра 200 тонна силос хатĕрленĕ.
Кĕрхи культурăсене вăхăтра акса хăварма ял хуçалăх предприятийĕсенче 1305 гектар çĕр хатĕрленĕ. «Слава картофелю» агрофирмăра 500 гектар, «Урожай» колхозра — 174 гектар, «Госсорткомиссия» ФПУ-ра – 150 гектар сухаланă.