08 июля 2009 г.
Июнĕн 26-мĕшĕнче ЧР Правительствин ларăвĕнче Чăваш Республикин территоринче 2009—2010 çулсенче çуллахи, кĕрхи, хĕллехи сезонсенче сунарти чарусемпе чакарусем çинчен саккун проектне пăхса тухса ырланă. Чăваш Республикинче хăмăр упана, çÿлевĕçе, хир качакине, пурăша, шашкăна, тыркаса, арлана, каюрана, ăтăра, карăка тытма пачах чарнă.
Пăчăра тата ăсана кăçал августăн 1-мĕшĕнчен сентябрĕн 30-мĕшĕччен, хир чăххине авгус-тăн 22-мĕшĕнчен октябрĕн 31-мĕшĕччен тытма юрать.
Августăн 1-мĕшĕнчен сентябрĕн 30-мĕшĕччен ухутана тухакансен хир сыснине те пеме юрать. Анчах та пĕтĕ пулсан вĕсене тытма ирĕк çук. Ноябрĕн 1-мĕшĕнчен декабрĕн 31-мĕшĕччен вара пур ÿсĕмрисене те тытма май пулĕ. Пăшисем çине ноябрĕн 1-мĕшĕнчен декабрĕн 31-мĕшĕччен, карсаксемпе мулкачсем çине ноябрĕн 1-мĕшĕнчен октябрĕн 31-мĕшĕччен сунара тухма ирĕк панă.