08 июля 2009 г.
ЧР муниципаллă пĕрлĕхсен Совечĕн ĕç тăвакан дирекцийĕн пуçарăвĕпе Канаш районĕнче Чăваш Республикинчи муниципаллă пуçлăх тата служащи кунне йĕркеленĕ. Вăл кăçалхипе виççĕмĕш хут иртет. Унта пур районтан та хутшăнаççĕ. Мероприяти программи пуян. Унта йăлана кĕнĕ «Хресчен хуçалăхĕ», «Утçи вăхăчĕ» ăмăртусем пулнă. Çавăн пекех служащисем хутăш эстафетăра (шывра ишесси, пăшалтан пересси, çуран чупасси), автомобильпе тĕрлĕ фигурăсем тăвассипе те тупăшнă. Спорт ăмăртăвĕсенче те пултарулăхне кăтартнă. Футболла, волейболла (арçынсем те, хĕрарăмсем те) вылянă. Культурăпа йăла канăвĕн, командăсем мĕнле вырнаçнин смотр-конкурсĕ те пулнă. Поселени пуçлăхĕсем мини-триатлон, мини-футбол, волейбол енĕпе вăй виçнĕ. Пирĕн район команди «Хресчен хуçалăхĕ», хутăш эстафетăра, художество пултарулăх конкурсĕнче пĕрремĕш вырăн çĕнсе илнĕ. Çак ятпа саламлатпăр.