08 июля 2009 г.
Районти ял хуçалăх предприятийĕсем уяр кунсемпе усă курса пикенсех выльăх апачĕ хатĕрлерĕç. 5162 гектар çинчи нумай çул ÿсекен курăксене çулса пĕтернĕ, пуçтарса кĕртнĕ. Чылай çĕрте пĕр çул ÿсекен курăксен уйĕсенче те ĕçсем пыраççĕ. Ун йышши курăксем районĕпе 2692 гектар йышăнаççĕ. 305 гектарне çулнă.
Районĕпе июлĕн 7-мĕшĕ тĕлне 5821 тонна утă хатĕрленĕ. «Слава» 921 тонна, «Урожай» 623 тонна, «Труд» 500 тонна, «Госсорткомиссия» 446 тонна çак паха апата янтăланă. Сенаж 8951 тонна пур. Ку енĕпе «Восток» (1500 тонна), «Луч» (1469 тонна), «Урожай» (1200 тонна), «Рассвет» (992 тонна) лайăх ĕçленĕ.
Çак кунсенче çумăр çуса тăчĕ. Ку çĕр ĕçченĕшĕн паха. Уй-хир культурисене ÿсме май парĕ.