Публикации » ТАТА ИКĔ ШКУЛА РЕСТРУКТУРИЗАЦИЛЕÇÇĔ

04 июля 2009 г.

РФ правительствин 2001 çулхи декабрĕн 17-мĕшĕнчи «Ялсенчи пĕтĕмĕшле пĕлÿ паракан учрежденисен сетьне реструктуризацилесси çинчен» постановленипе тата Комсомольски районĕнчи шкулсене реструктуризацилемелли программăпа килĕшÿллĕн, Комсомольски район пуçлăхĕ Г.Ф.Волков кăçалхи июнĕн 30-мĕшĕнче йышăну кăларнă. Унта 2009 çулта Хирти Явăш тата Тăманлă Выçли пĕтĕмĕшле пĕлÿ паракан вăтам шкулсене реструктуризацилесе тĕп шкул статусне парасси çинчен каланă. Хирти Явăшри аслă классенче вĕренекенсем çĕнĕ вĕренÿ çулĕнчен Комсомольскинчи 1-мĕш номерлĕ тата Кĕçĕн Çĕрпÿелĕнчи вăтам шкулсене çÿреме пуçлĕç. Тăманлăвыçлисемшĕн вара Çĕнĕ Мăрат вăтам шкулĕ база шкулĕ пулса тăрĕ. Асăннă шкулсен директорĕсене Н.Г. Ильина, А.С.Борисова, С.В.Антонова 10—11-мĕш класс вĕренекенĕсене база шку-лĕсене çирĕплетнĕ маршрутсемпе тата расписанипе турттарассине йĕркелеме хушнă. Район администрацийĕн вĕрентÿ пайне, Хирти Явăш тата Тăманлă Выçли шкулĕсен директорĕсене пушанса юлнă классенче шкул çулне çитмен ачасем валли ушкăнсем уçма усă курма кăтарту панă. Кĕçĕн Çĕрпÿел вăтам шкулĕн штатлă расписанине автобус водителĕн тата социаллă педагог должноçĕсем хутшăнĕç.

Источник: "Каçал Ен"