27 июня 2009 г.
«Агро-Инноваци» унитарлă предприяти республикăра ял хуçалăх отраслĕнче 2008 çулта чи ăнăçлă ĕçлекен 100 хуçалăха палăртнă. Вĕсен йышĕнче пирĕн районти 19 ял хуçалăх предприятийĕ пулни савăнтарать. Танлаштарса пăхар-ха. Пирĕнпе кÿршĕллĕ районсенчен çак рейтинга патăрьелсенчен 11, елчĕксенчен 9, канашсенчен 7, йĕпреçсенчен 2 хуçалăх çеç лекейнĕ.
Тухăçлă ĕçлекен, уй-хиртен, выльăх-чĕрлĕхрен пысăк продукци илекен, производствăра çĕнĕлĕхсемпе усă куракан хамăр районти хуçалăхсене пурне те вулакансене пĕлтерер-ха. Рейтингра чи малти вырăнта «Слава картофелю» агрофирма» ООО тăрать. «Кызыл сабанча» фермер хуçалăхĕ, «Нива» агрофирма» ООО, «Урожай» колхоз, «Рассвет», «Труд», «Дружба», «Пайгас», «Слава», «Заря», «Восток», «Победа», «Луч», «Изамбаево» ял хуçалăх кооперативĕсем, Минатуллинăн фермер хуçалăхĕ, «Родина» фермер хуçалăхĕ» ООО, «Правда» ООО, «Дубовка» ООО, «Искра» колхоз та пур çак списокра. Вĕсене июнĕн 24-мĕшĕнче, Республика кунĕнче, Шупашкарта иртнĕ II экономика форумĕнче савăнăçлă лару-тăрура чысланă.
Источник: "Каçал Ен"