03 июня 2009 г.
Çулталăк пуçланнăранпа пирĕн районта 7 пушар тухса 145100 тенкĕлĕх тăкак кÿнĕ. Пĕлтĕрхи кăтартусемпе танлаштарсан, 4 вут-çулăм сахалтарах пулнă. Тăкакĕ пĕлтĕр кăçалхинчен ытларах – 281466 тенке çитнĕ. Çапла вара пушарсен шучĕ пĕлтĕрхипе танлаштарсан 6,3 процент чакнă.
Асăннă инкексен сăлтавĕ мĕнре-ха? Акă, 3 пушар сăлтавĕ электроприборсемпе тĕрĕс мар усă курнипе çыхăннă. Ачасем шăрпăкпа вылянипе 2 хутчен вут-çулăм алхаснă. Кил-çуртри кăмакасем юсавсăррипе 1 пушар пулнă. Тĕртсе çунтарни пĕр тĕслĕх пулнă.
Хальхи вăхăтра пушар тухас хăрушлăха чакарас тесе район территорийĕнче «Жилище-2009» профилактикăлла операци пырать. Пушар чаçĕн инспекторĕсем çак тапхăрта çуртсене тĕрĕслеççĕ, кунта пурăнакансемпе тĕл пулусем, калаçусем ирттереççĕ.
Енчен те пушар тухнине асăрхарăр пулсан, пĕр тăхтаса тăмасăрах «01» е кĕсье телефонĕсенчен «112» номерсемпе шăнкăравлăр. Ыттисенчен пулăшу ыйтăр, çухалса ан кайăр.
Тимлĕ пулни инкекрен çăлĕ.
Источник: "Каçал Ен"