30 апреля 2009 г.
Апрелĕн 26-мĕшĕнче Комсомольски вăрман уçланкинче çăмăл атлетикăна кăмăллакансем çуллахи спорт сезонне уçрĕç. Кашниех вăй хурса старта тухса чи малтан финиша çитме ăнтăлчĕ.
Районти вăтам шкулсенче вĕренекенсем хушшинче мала тухассишĕн ăмăрту хĕрÿ иртрĕ. Хĕрачасенчен 1000 метра чупса Хирти Мăнтăр вăтам шкулĕнче вĕренекен И.Чернова пĕрремĕш вырăн йышăнчĕ. Арçын ачасенчен 2000 метра Асанкасси вăтам шкулĕнчи А.Ильин пĕрремĕш парăнтарчĕ. Пĕтĕмĕшле пĕлÿ паракан тĕп шкулсенче вĕренекен каччăсем 1000 метрлă, хĕрсем 500 метрлă дистанцисенче вăй виçрĕç. Ар-çын ачасенчен А.Чубукова (Çĕнĕ Мăрат вăтам шкулĕ) çитекенни пулмарĕ. Хĕрачасенчен Анат Тимĕрчкасси тĕп шкулĕнче вĕренекен И.Андреева чи пултарулли пулчĕ.
Аслă Çĕрпÿел ял поселенийĕнчен килнĕ И.Евграфова 500 метрлă, Урмаел ял поселенийĕнче пурăнакан Д.Хайртдинов 1000 метрлă дистанцисенче пĕрремĕшсем пулчĕç. Ăмăртăва Шурут тата Александровка ял поселенийĕсенчи спортсменсемте хутшăнчĕç. Ытти ял поселенийĕсем командăсем тăратманни пăшăрхантарать.
Çĕнтерÿçĕсене Хисеп грамотисем парса чысларĕç.
Источник: "Каçал Ен"