18 апреля 2009 г.
Эпир час-часах район территорийĕнче вырнаçнă суту-илÿ предприятийĕсенче пулатпăр. Уйрăмах ют çĕршывран кÿрсе килнĕ продукципе, вĕсем пирки çырнă документаципе интересленетпĕр. Шел пулин те, саккуна пăснă тĕслĕхсемпе те тĕл пулатпăр. Карантин сертификачĕ тата патшалăх фитосанитарин карантин контролĕн акчĕ пулман таварсене те тупса палăртрăмăр. Вĕсене Мускав, Чулхула, Канаш тата ытти хуласенчен илсе килнĕ. Х.А.Хайртдинов, Г.Т.Велимухаметов, Н.Н.Кокшин, Э.А.Фаткуллин, О.П.Никифоров, Л.Ф.Шайдуллин, Л.Е.Тарасов уйрăм предпринимательсене, «Людмила» (заведующийĕ Л.П.Афанасьева), «Алтын Ай» (И.З.Адеев), «Кооператор» производство комбиначĕн «Родник» магазинĕсен хуçисене (Н.Н.Владимирова) йĕркене пăснăшăн административлă явап тытнă. Вĕсен саккунпа килĕшÿллĕн 500-шер тенкĕ штраф тÿлеме тиврĕ.
Ют çĕртен кÿрсе килнĕ пахчаçимĕç, улма-çырла урăх климат условийĕсенче пурăнакансемшĕн сиенлĕ пулма та пултараççĕ. Çавăнпа та тĕрĕслесе илмелле. Çакна ĕнентерекен документсем кирлĕ. Пахалăхлă продукципе çеç сутă тăвасчĕ.
Источник: "Каçал Ен"