11 апреля 2009 г.
Апрелĕн 8-мĕшĕнче Комсомольски 2-мĕш вăтам шкулĕнче «Çамрăксем — сывă пурнăç йĕркишĕн» акципе йĕркеленĕ тĕл пулу пулчĕ. Вĕренекенсем умĕнче районти шалти ĕçсен пайĕн çул çитмен ачасемпе ĕçлекен Е.А.Ершов инспектор, Р.Р.Гафуров участковăй, район администрацийĕн çул çитмен ачасемпе ĕçлекен комиссийĕн секретарĕ Г.К.Гадельянова тухса калаçрĕç.
Хăнасем ачасене мĕнле айăпа кĕме пултарнипе паллаштарчĕç. Калаçу хыççăн вĕренекенсем ыйтусем пачĕç, вĕсем çине кирлĕ хуравсем илчĕç.
Источник: "Каçал Ен"