08 апреля 2009 г.
Пĕр пÿлĕмре музыка сасси илтĕнет. Тен, музыка кружокĕ; Çук иккен, тĕрлекенсем ĕçлеççĕ. Пырса пăхатăн та, мĕн тери хитре пулаççĕ эрешĕсем! Маттур ачасем пур ĕçре те пултаруллă. Акă, Л.Борисова, Е.Волкова вĕренÿ отличникĕсем питĕ хитре тĕрлеççĕ. О.Басникова, пĕртăван Волковăсем, Т.Шельтямова, Д.Борисова, А.Басникова мĕнрен кая тата; Арçын ачасем те хĕрачасенчен юласшăн мар: Н.Шурбин, Д.Пантелеев, Д.Хурасев тăрăшса тĕрлеççĕ. Д.Егорова, Л.Шурбина, А.Токмакова, Н.Романова вара пĕрремĕш утăмсем тăваççĕ, кăçал пуçласа çÿреççĕ вĕсем. Аслисем вĕсене пулăшаççĕ, кирлĕ сĕнÿсем параççĕ. Кружок ертÿçи О.А.Кириллова вĕсем ылтăн алăллă пуласса шанать. Кружока çÿрекенсем шкулта, районта иртекен конкурссене активлă хутшăнаççĕ.
Источник: "Каçал Ен"