08 апреля 2009 г.
Ака уйăхĕн 4-мĕшĕнче Шăмăршăри культура керменĕнче хореографи ушкăнĕсен «Ташша яра пар!» фестиваль-конкурсĕ иртнĕ.
Фестивале республикăри халăх пултарулăхне аталантарас, хореографи ушкăнĕсен ăсталăхне ÿстерес, ертÿçĕсен професси шайне лайăхлатас, çĕнĕ талантсене палăртас, вĕсене çĕкленме пулăшас тĕллевпе йĕркеленĕ. Унта Патăрьел, Шăмăршă, Елчĕк, Комсомольски районĕсенчи пултарулăх ушкăнĕсем хутшăннă. Фестивальте çĕнтерÿçĕсене «Халăх ташши», «Бал ташши», «Классика ташши», «Паянхи ташă» номинацисенче палăртнă.
Пирĕн районти искусство шкулĕн вĕренекенĕсем те сцена çине тухса хăйсен ăсталăхĕпе паллаштарнă. Т.Иванова, Л.Григорьева вĕренекенĕсем «Паянхи ташă», «Халăх ташши» номинацисенче палăрнă.
Источник: "Каçал Ен"