25 февраля 2009 г.
«Асаново» ял хуçалăх кооперативĕпе Асанкасси ял поселенийĕ тăтăшах спорт ăмăртăвĕсем йĕркелеççĕ. Малтанах Г.Рипанов летчик-испытатель ячĕпе волейбол турнирĕ иртрĕ. Унта Елчĕк районĕн, Комсомольскинчи «Химик» предприятин, Урмаел, Тукай Мишер ялĕсен, Асанкасси вăтам шкулĕн, ял поселенийĕн командисем ăмăртрĕç. Вăйăсем хĕрÿ иртрĕç. Малти вырăнсене Асанкасси ял поселенийĕн, вăтам шкулĕн вĕренекенĕсен, Тукай Мишер ялĕн командисем йышăннă.
Çавăн пекех Çăварни уявне халалласа «Асанкасси йĕлтĕр йĕрĕ» ăмăрту иртрĕ. Унта 60 ытла йĕлтĕрçĕ хутшăнчĕ. Старта аслисем те, çамрăксем те тухрĕç. Кооператив председателĕ Н.М.Копташкин йĕркеленипе йĕлтĕрçĕсене парнесем пачĕç, вĕри чейпе, икерчĕпе сăйларĕç.
Источник: "Каçал Ен"