11 февраля 2009 г.
Районта волейбол турнирĕсем тăтăшах йĕркелеççĕ.
Акă, иртнĕ эрнере Урмаел ялĕнче Чăваш Республикин Патшалăх Канашĕн депутачĕн К.С.Мифтахутдиновăн призĕсене çĕнсе илессишĕн волейбол турнирĕ иртрĕ. Пурĕ 9 команда вăй виçрĕ. Тупăшу чăнах та хĕрÿ пулчĕ. Апла пулин те Шупашкар хулинчен килнĕ «Чувашрегионгаз» ООО командине парăнтарма май килмерĕ. Кунта вылякан спортсменсем пысăк ăсталăхпа палăраççĕ. Нĕркеç ялĕн туслă команди — иккĕмĕш вырăнта. Фасхутдиновсен (Комсомольски) çемйи турнирта виççĕмĕш пулчĕ.
Çĕнтерÿçĕсене К.С.Мифтахутдинов парнесемпе, Дипломсемпе наградăларĕ. Малашне те çак турнира çулсеренех йĕркелессе шантарчĕ.
Источник: "Каçал Ен"