31 января 2009 г.
Иртнĕ çул пирĕн районта 26 пушар пулнă. Вут-кăвар алхаснин пĕтĕмĕшле тăкакĕ – 811396 тенкĕ. Вут-çулăмра пĕр çын пурнăçĕ вăхăтсăр татăлнă. Ытларах вара Шурут ял поселени-йĕнче – 5, Комсомольскинче — 4, Тукайĕнче – 3, Урмаелĕнче 3 хутчен пушар тухнă.
Мĕн пур инкексен сăлтавĕ мĕнре-ха; Акă, 14 пушар электроприборсемпе тĕрĕс мар усă курнипе çыхăннă. Ачасем шăрпăкпа вылянипе 4 хутчен вут-çулăм алхаснă. Кил-çуртри кăмакасем юсавсăррипе 3 пушар пулнă. Асăрхануллăрах пуласчĕ. Пушар хăрушсăрлăхĕн правилисене çирĕп пăхăнмалла. Ачасене те тимлĕрех пулмаллине вĕрентмелле, шăрпăка ал айне хумалла мар. Пĕчĕкçĕ йăнăш та инкек патне илсе çитерет.
Енчен те пушар тухнине асăрхарăр пулсан, пĕр тăхтаса тăмасăрах «01» е карас телефонсенчен «112» номерсемпе шăнкăравлăр. Ыттисенчен пулăшу ыйтăр, çухалса ан кайăр.
Тимлĕ пулни инкекрен çăлĕ.
Источник: "Каçал Ен"