21 января 2009 г.
Чăваш Ен Культура министерстви пулăшнипе Шупашкар – Чăваш епархийĕ çулсерен раштав уявĕсем ирттерет. Чи малтанах «Раштав çăлтăрĕ» фестиваль чиркÿсенчи вырсарни шкулĕсенчи пултарулăх ушкăнĕсене пуçтарчĕ. Хăш-пĕр районсенче фестиваль малалла тăсăлчĕ.
Январĕн 16-мĕшĕнче районти культурăпа кану центрĕнче тĕн музыкипе юррисен «Раштав çути» фестивалĕ савăнăçлă самантра уçăлчĕ. Куракансене районти культура пайĕн пуçлăхĕ В.С.Васильев, Вознесение Господне чиркĕвĕн настоятелĕ Алексий атте ăшшăн саламларĕç.
Фестивале Чăваш патшалăх академи симфони капеллин концерчĕ илемлетрĕ. Кунта чуна çывăх тĕн кĕвви-çемми шăранчĕ.
Куракансем концертпа кăмăллă пулчĕç, тăвăллăн алă çупрĕç. Çак кун академи симфони капелли Асанкассинчи культура çуртĕнче те концертпа савăнтарчĕ.
Район çыннисемшĕн çак кун чăн-чăн раштав уявĕ пулчĕ.
Источник: "Каçал Ен"