14 января 2009 г.
Хирти Мăнтăрти культура ĕçченĕсем пуçарнипе январĕн 2-мĕшĕнче мини-футбол иртрĕ. 2009 çул — Раççейре «Çамрăксен çулталăкĕ». Шăпах çак вăййа çамрăксен ячĕпе йĕркелес»,— терĕ культура çурчĕн директорĕ В.Н.Данилова.
Площадкăра 5 команда вăй виçрĕ: «Школьники», «Молодежная», «Холостяки», «Послеармейские», «Женатые». Чи малтанах шкул ачисемпе çамрăксем вылярĕç. 3:2 шутпа вăййа вĕçлерĕç. Ун хыççăн авланнисемпе салтакран таврăннисем 6:7, хусахсемпе авланнисем 0:2, çамрăксемпе ветерансем 2:4, шкул ачисемпе хусахсем 2:0 шутпа вăййа вĕçлерĕç. Шкул ачисен туслă команди пуринчен те ăстарах выляса пĕрремĕш вырăн йышăнчĕ. К.Журавлев, П.Журавлев, Д.Коновалов, К.Кондратьев, С.Яшин хастар вылянине па-лăртмалла. Çавăн пекех çамрăксемпе ветерансен командин спортсменĕсем те ăсталăхпа палăрчĕç. В.А.Васильев вăйă судйи пулчĕ.
Хирти Мăнтăрта пурăнакансем çак кун чун каниччен вылярĕç, канчĕç.
Источник: "Каçал Ен"