03 декабря 2008 г.
Инвалидсен кунне эпир кăçал вунулттăмĕш хут уявлатпăр. Хальхи вăхăтра пирĕн районта 2401 инвалид шутланать. Çав шутра 116 ача, 105 çын — вăрçăра аманса сусăрланнисем.
Районта инвалидсен прависемпе интересĕсене хÿтĕлес шутпа инвалидсен организацине йĕркеленĕ.
Инвалидсене районти тĕп больница, çемье врачĕн уйрăмĕсем тăтăшах медицина пулăшăвĕ параççĕ.
Кăçал районти 32 инвалид автомашинăллă пулчĕ, 1 çын 100 пин тенкĕ укçа илчĕ. 18 инвалид паянхи кун 100 пин тенкĕ компенсаци илме документсем пухать.
Ноябрĕн 27—28-мĕшĕсенче пирĕн район инваличĕсен команди республикăри спорт фестивальне хутшăнчĕ. Командăра 7 çын пулчĕ: 5 ача тата çитĕннĕ 2 çын. Çăмăл атлетикăра çул çитмен ачасен хушшинче пирĕннисем 1-мĕшпе 2-мĕш вырăнсене çĕнсе илчĕç.
Декабрĕн 4-мĕшĕнче 8 ача-инвалид Шупашкар хулине «Поиграем в Красную шапочку» юмах курма кайĕ. Çавăн пекех зонăри конкурсра «Хранители очага» номинацире çĕнтернĕ П.Л.Автономов çемйи републикăра иртекен «Инвалид çемйи» конкурса хутшăнĕ.
Хальхи вăхăтра инвалидсене пурăнма йывăр. Пенси те пĕчĕк, çителĕксĕр. Вĕсемпе тимлĕрех пуласчĕ.
Источник: "Каçал Ен"