Публикации » ЯЛТИ СПЕЦИАЛИСТСЕНЕ ПУЛĂШАÇÇĔ

29 ноября 2008 г.

Патшалăх ял çыннисене пурăнмалли çурт-йĕрпе тивĕçтерес тĕлĕшпе чылай мера йышăнать. Юлашки 2 çулта çеç «2012 çулччен яла социаллă аталантарасси çинчен» федераллă тĕллевлĕ программăпа килĕшÿллĕн 20 çамрăк специалиста çав енĕпе пулăшнă. Федераллă бюджетран 2007 çулта района 1775 пин тенкĕ ытла, 2008 çулта 1214 пин тенкĕ ытла укçа-тенкĕ килнĕ. Çавăн пекех вырăнти бюджет та пулăшу парать.

Хальхи вăхăтра район администрацийĕн капиталлă строительство тата коммуналлă хуçалăх пайĕ ялта ĕçлесе пурăнакан çамрăк специалистсене çурт-йĕрпе тивĕçтерес тĕлĕшпе укçа-тенкĕ уйăрни çинчен свидетельствăсем парасси пырать. «АПК аталанăвĕ» приоритетлă наци проектне пурнăçлас енĕпе те ĕçлеççĕ.

Источник: "Каçал Ен"