26 ноября 2008 г.
Ĕлĕк-авалтанах сывлăх çине тимлĕн пăхнă. Сывлăхлă çын тăва çавăрма пултарнă. Халĕ вара эпир, сывлăхлă çынсем, мĕн çавăрма пултаратпăр?
Сывлăха упрас, çирĕплетес тесе республика шайĕпех тĕрлĕ ĕçсем йĕркелеççĕ. Ачасен сывлăхĕ вара пĕрремĕш вырăнта.
Кăçал та юпа уйăхĕн 1-мĕшĕнчен пуçласа чÿк уйăхĕ пĕтиччен «Çамрăксем — сывлăхшăн!» акци иртет. Темĕн тĕрлĕ мероприяти те йĕркелерĕç Комсомольски 2-мĕш вăтам шкулĕнче. Чÿк уйăхĕн 23-мĕшĕнче, вырсарникуна пăхмасăрах, ачасем, ертсе пыракансем шкул шанăçне çухатас мар, район чысне мала кăларас тесе ирех ĕçлеме пикенчĕç. Канаш хулин Культура керменне хамăра кăтартас тесе васкарăмăр.
Агитбригадăсем хушшинче ăмăрту хĕрÿ те хавас иртрĕ. Унта патăрьелсем, елчĕксем, шăмăршăсем, йĕпреçсем, тăвайсем, Канаш районĕпе хули тата эпир, каçалсем, жюри членĕсен пĕтĕмлетĕвне чăтăмсăррăн кĕтрĕмĕр. Пирĕн туслă команда виççĕмĕш вырăн йышăннине пĕлсен питĕ савăнтăмăр.
Источник: "Каçал Ен"